Lafaek News—Prezidente Komisaun Nasional das Eleisoens (CNE), Jose Belo, deklara data ba kampania eleisaun prezidensial períodu 2022-2027, sei hala’o iha lorom 02 fulan Marsu durante loron sanulu resin lima nia laran.
Tuir lei kampania ne’e loron 15, tan nee kampania ne’e ita sei hahú iha 02 de Marsu ne’ebé atividade hotu bele ajuda kampania ne’e hala’o ho di’ak ba parte seguransa sira hotu” dehan, Prezidente CNE, Jose Bele ba Lafaek news iha CNE salaun Lalini Larigutu, sesta (28/01/2022).
Nia apela ba lider sira hotu atu iha prosesu kampania nia laran hasai lia-fuan ho edukativu atu ema hotu bele ba vota ho konsiénsia.
Ba ita nia lider sira kampania karik ho lia-fuan sira ne’ebé malirin no liafuan sira ne’ebé edukativu no agrada atu ema hotu ba vota ho konsiénsia se mak manan ne’e ita hotu nia prezidente,’’ dehan Belo.
Tuir planu prezidente CNE José Belo molok eleisaun ELPR, CNE sei konvida lia-nain reprezentante husi munisípiu 12 inklui RAEOA halo serimonia kultura hodi simu matak malirin.
Ita iha ne’e kultura mos barak, maibé karik ida lidera ne’e reprezenta ita hotu atu bele fo sira nia hanoin hamulak ida atu ajuda ita nia kandidatu sira labele hetan susar ruma durante kampania no eleisaun ne’e la’o,” nia haktuir lia-nain sira husi minisípiu sira sei la marka hotu prezensa iha serimonia refere maibé sei reprezenta lia-nain ida atu mai hamulak. Tenik nia.
Jornalista : Anselmo Monteiro
Editor : Agapito de Deus
