Lafaek News–Sekretáriu Jerál partidu FRETILIN, Marí Bin Amude Alkatiri, hatete nia parte sentr triste tebes ho ezisténsia kandidatus balun mosu mai devia atu hakotu krize, maibé atu hamosu fali krize iha Timor Leste.
Alkatiri dehan, ema ne’ebé sai Prezidente Repúblika direitu ema hotu-hotu nian, la’os atu hahú fali krize foun.
Ha’u triste bainhira kandidatu ida Fretilin apoia ha’u halo deklarasaun ho intensaun ida ne’ebé di’ak, más iha fali kandidatu seluk mai ho intensaun la’os atu hakotu krize, atu kria krije ne’e maka halo ha’u nia laran taridu ita labele kandidatu aan dehan kedas kria krize, ita sai prezidente repúblika direitu hotu-hotu nian la’os atu hahú fali krize foun,”dehan Marí Alkatiri ba jornalista iha konferénsia imprensa iha CCF Komoro, kinta (27/01/2022).
Alkatiri fundamenta nia parte sei konvoka reuniaun komisaun polítika nasionál ba aban sesta (28/01/2022)atu hetan informasaun liu-liu atu mai dala ida tan reafirma apoiu Fretilin nian ba kandidatu Lú Olo, ne’e apoiu Fretilin nian husi leten mai to kraik, mákina Fretilin tomak sei apoiu kandidatu Lú Olo.
Kandidatu Lú Olo agora prezidente, tanba uluk kandidatu Fretilin nian prezidente nia iha ona vizaun nasionál rasik hakarak kandidatura hanesan independen, maibé obrigasaun fretilin nian atu fo apoiu ba nia (Lú Olo),nia argumenta
Alkatiri salienta, la’os la gosta seluk, maibé vizaun Lú Olo kria durante nia mandatu hanesan Prezidente Repúblika ne’e vizaun inkluziva nasional no nia hakarak kontinua nia programa ne’e atu hametin estadu ida ne’e kontribui ba dezenvolvimentu sustentavel.
Jornalista MG : Azelio da Cruz
Editor : Agapito de Deus
