Lafaek News – Oan Nain haat depende ba folin husi haas loro-loron, bainhira ema sosa netik fuan haat ka lima moris loron ida nina iha ona, bele sosa netik foos haknauk lata ida ka rua hodi sustenta moris.
Molok hetan dolar ida ka rua, maibé terus boot, tula haas ho kareta la’o liu dalan Likidoe ne’ebé nakonu ho rai dodok hafoin ba Sarlala hodi mosu tun mai Dili hodi tula, no tenke selu kareta kada loron dolar lima.
“Kareta husi Aileu mai kuandu tula has ember hat selu dolar 6, se ember tolu hamutuk ho ema, selu hamutuk dolar lima,’’haktuir Agostinho Vila-Nova ba Lafaek news iha Audian foin lalais.
maibé , haas hirak ne’ebé lori mai faan iha sidade Dili, sosa tutan husi ema seluk, la’os sosa direta husi haas nain, manan uituan boot liu mak dolar 2 too 5, importante bele moris.
“Ema sosa la hotu senti triste tanba ita iha Dili ita hetan ituan han dolar ida dolar rua más atu sosa fali foos saku ida haruka ba ita nia oan seidauk bele”, dehan negosiante Idade 34,
Negosiante ne’e dehan tan molok ema sosa haas ne’e hotu, más hafuhu malu ho jestaun merkadu sira bainhira hetan tenke prende, dala ruma ema seidauk sosa jestaun merkado sira hadau hotu haas ho karosa.
“Agora ita ba Taibessi sira duni, sai ba liur sira duni se ami senti la diak naok deit ona entaun diak liu hafuhu malu de’it ona, atu kontra mos la diak tanba ema boot sira mak haruka”, tenik nia
Agostinho nia oan haat kompostu husi mane ne’ebe seidauk eskola hotu, tanba idade seidauk too hodi asesu ba eskola
iha observasaun lafaek news nota husi Agostinho mak senti kolen, Kosar no hamrok, tanba lao haleu Dili laran Durante loron tomak lao ain iha manas no malirin laran.
Estajiada : Elma Correia/Herlina Barros
Editor : Agapito de Deus
