Lafaek News—Workforce Development Program Timor-Leste (WDPTL) realiza enkontru ho media Online hodi públika Informasaun ho dadus ne’ebé máka WDPTL rekolla liga ho dezempregu ne’ebé kontinua buras iha Timor-Leste.
Tuir Training and Employment Specialist WDPTL, Geraldo Sarmento Ximenes hateten, númeiru dezempregu kontinua a’as iha Timor-Leste.
“Primeiro ita haree ba desempregu iha base, desempregu foinsa’e sira máka problema sosio-ekonómiku ne’ebé urgente liu governu Timor-Leste hasoru,” informa liu husi enkontru preliminar ho Media Online sira iha salaun WDPTL Bidau Akaderu Hun, Kinta (02/11/2012).
Maske, governu Timor-Leste halo ona esforsu atu hamenus númeru desempregu liu husi servisu hamutuk ho governu Australia no governu Correa do Sul atu aumenta oportunidade servisu ba Timor oan sira, maibé númeru kontinua aumenta.
Enatun Juventude Timoroan sira hetan informasaun kona-ba oportunidade servisu no halo diskusaun iha plataforma media foun ka media online sira.
“Tamba ita haree media nia forsa boot liu atu fó espasu no fornese informasaun relasiona ho oportunidade servisu no aumenta konsensia ba foinsae no mós ema líder sira ne’ebé mak halo desisaun ká politika ba empregu nian,” tuir nia.
Jornalista: Rosa Fernandes
Asisten Editór : Pedro de Almeida
