Lafaek News—Akademista husi Fakudade Ciensia Sosiais (FCS) Universidade Nasionál Timor-Lorosa’e (UNTL), Camilo Ximenes de Almeida hateten, atu hadia dezenvolvimentu iha rai laran presiza iha orsamemtu ne’ebé mak boot.
“Ha’u hanoin importante ida mak atu solusiona problema sosiál tenke tau orsamemtu ne’ebé mak boot liu, ita bele iha ideia ne’ebé mak furak, bele iha kapasidade, grau to’o iha ne’ebé, maibé sem iha orsamemtu ne’ebé mak di’ak ha’u hanoin imposível atu rezolve problema sosial sira,” dehan Camilo Ximenes de Almeida iha Kampus Fakuldade Siénsia Sosiál, Kinta (25/11/2021).
Tanba problema Inundasaun ne’ebe akontese iha Loron 4 Fulan Abríl liu ba ne’e, to’o agora seidauk rezolve tanba alokasaun orsamentu maibé ho montante ne’ebé mak kiik
“Situasaun iha Dili la’ós hanesan tinan 20 ka 30 ba kotuk ne’e, tanba ne’e presiza governu tau atensaun makas, liu-liu tau netik suporta osan ruma, hodi nune’e ba futuru ne’e bele sai di’ak liu,” nia esplika
Akademista fundamenta, atu sai sasukat ida hodi solusiona problema ruma iha nasaun ida nia laran presiza iha orsamemtu ne’ebé sufisiente, mezmu iha Timor Leste matenek barak ne’ebé hamosu ideia furak sira maibé la iha orsamemtu sei la solusiona problema sosiál sira iha Timor-Leste.
Jornalista : João da Costa Soares
Asisten Editór : Pedro de Almeida
