Lafaek News–Ai tohar hanehan sidadaun xineza ida ho karreta xapa matrikula A.20.271, kabetak iha parte kondutor nian oin, iha aldeia Donozia, suku Santa-Krus, postu adminitrativu Nain feto Munisipiu Dili.
Akontesementu ne’e mosu tuku 12: 16, no la rezulta ema kanek no mate, maibé karreta nia vidro rahun, tanba ai hanehan makas, jornalista tenta atu konfirma kondutor (sidadaun sineza), maibe lakohi komemta tanba trauma ho akontesementu refere.
Enkuantu tuir sasin Luiza Fernandes haktuir akontesementu ne’e derpente de’it, tanba ai ne’e lahuk husi laran kleur ona, maibé nunka hetan atensaun husi parte relavante sira ikus mai akontese tiha mak foin hakfodak.
Ami iha kotuk derpente tarutu, ami halai mai hare’e, ai maka monu hanehan tiha karreta, kondutor mesak maka iha laran, ema la mate” dehan Luiza Fernandes ba lafaek news iha iha fatin akontesementu santa krus, tersa (26/10/2021).
Observsaun lafaek news iha terrenu nota, ai monu hanehan mos fiu eletrisidade monu tabele iha rai-leten, no provoka engarrafamentu iha fatin akontesementu, ai taka monu latan an husi estrada sorin too sorin, la liu minutu PNTL, ekipa EDTL inklui ekipa bombeirus too kedas iha fatin hodi tesi ai no hadia fiu eletrisidade.
Jornalista : Pedro de Almeida /Januario Barros
Editór : Agapito de Deus
