Lafaek News-Tradisaun koileta meci sai hanesan eransa ne’ebé husik hela husi beiala sira hanesan mós patrimóniu kulturál ida tanba ne’e komunidade hamutuk ho Uniaun hadomi Timor (UNIAMOR) hakarak konserva no rejista sai hanesan patrimóniu kulturál ba Timor iha unesco.
Meci mai lai hosi lian Fataluku munisipiu Lautem katak insetu tasi nian no Lospalos oan barak gosta han maibé tuir prosesu kultural ne’ebé selebra tinan ida dala ida.
Diretor Uniamor joanico da Costa ba jornalista lafaek news hateten, halo peskiza ho ferik katuas sira, sente orgullu no kontente tanba durante ne’e meci ho nia tradisaun koileta ka foti ne’e sira la hakerek no halo tuir de’it agora koko ho peskiza no sei hakerek ba livru hodi nune rejista iha unesco.
Unesco apresia ba atividades ne’e, sira kontinua koopera hamutuk ho Uniamor hodi halo peskiza, ne’ebé klean liu, hakerek ninia istória lia dadoli sira ne’ebé katuas ferik sira halo hodi foti meci. Iha planu ona atu ba rejista sai patrimoniu kulturál ba Timor kona ba meci ne’e, parte turizmu mós halo ona kalendarijasaun para tinan tinan koileta meci sai hanesan atividades bot no nasionál bele mai partisipa” esplika nia
Parte seluk Governu lokál liu husi administradór postu administrativu Lospalos sei apoiu atividades konservasaun meci sai patrimoniu kulturál ne’e, tuir administradór postu administradór Lospalos Dinis dos Santos batista Hateten inisiativa joven sira iha Uniamor nian hodi halo peskiza ba meci ne’e hanesan tulun bo’ot ida ba nia hanesan autoridade lokál tanba saida, nia sedauk hanoin to iha ne’ebá maibé joven sira iha ona hanoin di’ak ba buat sira ne’e.
Ha’u labele promete ajudus maibé bainhira sira husu iha kondisaun ha’u sei ajuda, di’ak liután sira halo peskiza ba Com, Tutuala no Lore ne’e rasik”
Entertantu semináriu ne’ebé halo iha suku Lore primeiru durante loron rua hahú husi kuarta feira no remata sesta feira ohin, iha semináriu ne’e Maiora prejensa mós husi ajénsia Unesco iha Timor-Leste no komunidade suku Lore sira.
Jornalista :CE.Lautem
Editór : Agapito de Deus
