Lafaek News-Kareta PNTL ida xapa Matrikula 08-CV 03-495 husi eskuadra Zumalai, baku-fila iha tuku 4 :40 otl, iha aldeia Retiluli Suku Lour postu administrativu Zumalai Munisipiu Kovalima.
Asidente mosu bainhira kareta PNTL eskuadra Zumalai atu ba tula membru polisia nain 6, hala’o hela chec point iha Lepo, derepente travaun la funsiona iha estarada desida rezulta kareta ne’e baku-fali, maibé laiha ema ida kanek no mate iha akontesimentu ne’e.
Ohin membru sira fo hatene ha’u katak motivu husi akontesimentu ne’e tanba kareta nia travaun la funsiona ka trava la han bainhira tun husi foho lolon,” dehan Komandante Eskuadra Zumalai Antonio ba lafaek News iha Fatin akontesimentu, Tersa 12/10/2021.
Komandante eskuadra Zumalai ne’e esplika, haktuir kareta kondutor lori atu ba tula membru PNTL nain 6 ne’ebé halo check point kartaun kinur iha suku Lepo atu lori fila ba eskuadra zumalai.
Ohin dadeer sira mai halo check point ba kartaun kinur iha merkadu Lepo entaun iha oras loro kraik mak kareta mai foti too iha ne’e (Retiluli) mak Hetan Akontesimentu ida nee,” nia deklara.
Nia afirma, tuir dadus membru sira ne’ebé iha kareta laran hamutuk nain 7 inklui ho motorista, sira ne’e hotu laiha ida mak mate no moras todan, maibé iha balun mak sente hirus matan no kotuk laran moras.
Entretantu hafoin akontesimentu ne’e akontese ekipa tránzitu husi munisípiu Kovalima too kedas fatin asidente hodi haree hodi rekoila dadus no kareta hetan kedas ajuda husi Forsa Defeza Austrália hodi hasai hikas kareta husi fatin akontesimentu.
Jornalista: Orlando Magno
Editór : Agapito de Deus
