Lafaek News–Prezidente Repúblika (PR). Francisco GuterresLú Olo, hatoo mensajen ba aswain Ma’hunu Bulerek Karathayano nu’udar luta nain ba prosesu libertasaun patria inklui fundador ASDT hafoin transformasaun ba FRETILIN.
Horseik, Timor Leste lakon tan asua’in luta libertasaun nasionál espesiál ida, espesiál tanba halo parte jerasaun fundadór movimentu ba Ukun rasik An dahuluk ho ámbitu nasionál, ho naran asua’in, Ma’Huno Bulerek Karathayano” Deklara Xefe Estadu Francisco Guterres Lú Olo liu husi komunikadu imprensa liu husi Media PR, sábadu 25/09/2021.
Lú OLo, haktuir Ma’huno tama iha istória luta libertasaun Patria, nu’udar Fundadór ASDT, membru Comite Central Fretilin, Chefe Conselho Político Militár Frente Armada, Secretário da Comissão Diretiva da Fretilin, Comandante das FALINTIL, Secretario Região 3, lider ida ne’ebé inspira no sai belun boot ba foin-sa’e klandestinu sira iha vila laran, iha Timor-Leste no iha Indonézia.
Iha vila, Ma’Huno serbisu hamutuk ho Ma’Hodu kontinua mobiliza juventude sira iha luta hasoru okupasaun Indonézia Ma’Huno esforsa ba hametin rezisténsia iha zonas okupadas no nunee kontribui ba luta klandestina sai mós frente prinsipál ida ba Timor-Leste nia independénsia, Triste tebes tanba ita lakon ita-nia lider boot ida. Maibé ita hotu sei la haluha katak nia husik memória ba ita-nia Timor-Leste livre no independente. Ma’Huno nia obra sei hela rohan-laek.
Prezidente Repúblika Lú Olo hato’o profundas kondolénsias ba família enlutada, Sra. Teresinha Viegas ho nia oan sira, ba família tomak no mós família boot rezisténsia nian.
Jornalista : Rita Moniz
Editor : Agapito de Deus
