LafaekNews– Konsellu de Imprensa Timor-Leste(KI-TL) ho pesoál relasaun publika  sira Husi Insituisaun PNTL-F-FDTL, realiza enkontru hodi  hahú Introduz  no sensibiliza ba públiku kona-ba oinsá ezerse direitu resposta no retifikasaun nune’e públiku bele komprende no intende loloos direitu resposta ne’e

Tuir membru KI, Francisco Simões da Costa Belo, desde prinsipíu uainhira konsellu imprensa eziste iha tinan 2016 to mai ohin loron dala barak  ema sosiedade, no dala barak ita nia entidade estadu sira, ita nia reasaun públiku sira, ladun inteira oinsá máka utiliza direitu de resposta retifikasaun ida-ne’e ho nune’e maka konsellu imprensa halo enkontru ho relasaun públiku sira pesoál relasaun públiku sira no media ofisiál sira atu oinsá introduz kna’ar balun ne’ebé relasaun ho direitu de resposta no retifikasaun ida-ne’e.

“Maneira oinsá mak ita halo se lae esperíensia ne’ebé iha direitu de resposta dala barak utilizasaun ezemplu, iha nutísia balun ne’ebé ofende individu ,balun hodi uza artigu direitu de resposta no retifikasaun nia ba hakerek iha facebook hodi hamósu tan konfuzaun. Julga media, julga jornalista  mósu konfuzaun, atu evita sasan sira hanesan ne’e  evita  konfuzaun iha públiku evita konflitu entre media ho públiku, entre jornalista ho públiku iha lei ne’ebé hatuur atu oinsá mak uza ita nia direitu de resposta no retifikasaun haruka ba media ne’ebé hakerek ita nia nutísia ou públika ita nutísia ballansu ou ofende ema pesoál balun,”dehan Membru KI, Francisco Simões da Costa Belo, hafoin enkontru iha fatin Konsellu Imprensa(KI), Balide, Dili, kinta-feira, 16/09/2021.

Membru KI ne’e hatutan, Dalabarak ita tenke rekoñese katak dala balun iha publikasaun , orgaun komunikasaun sosiál sira nian, meius komunikasaun social sira ne’e bele mósu tamba iha informasaun ne’ebé  dalabarak jornalista hakerek sala emaniasituasaun, halo titúlu sala ba ema nia deklarasaun ou halo nutísia ne’ebé labalansu públiku dúvida liu-liu sira ne’ebé sente katak sente ofendidu husi ita nia nutísia sira la hatene  atu ba ne’ebé no atu halo saida, entaun meius ne’e atu fo hanoin ba malu, katak ita iha lei garantidu ba fontes no ba povu nia direitu de resposta  no retifikasaun uainhira media hakerek sala nutísia ou halo sala nutísia ne’ebé perfensiu ladun asegura ema nia integridade no mós la ballansu, iha ita nia publikasaun media nia publikasaun, tanba ne’e ita fo hatene ba media sira halo sensibilizasaun ida ba media ofisiál sira ho ofisiál media sira iha eleisaun estadu atu nune’e oinsá bele la’o ba oin, uza direitu de resposta no retifikasaun.

Iha fatin hanesan, reprezentante Polisía Nasionál Timor-Leste(PNTL), superintendente xefe, Arnaldo de Jesus Castro, hateten, ohin partisipa iha enkontru ne’e kona-ba oinsá utiliza direitu de resposta no retifikasaun ne’e importante tebes tanba públiku presiza intende loos kona-ba direitu resposta ne’e rasik.

“ha’u hanoin enkontru ida-ne’e di’ak tebes liuliu iha vida jornalismu nian oinsá bele intende didi’ak uanhira jornalista ida atu fo sai informasaun nia tenke kontaktu ho fonte rua ne’e exemplu hanesan ita boot sira husi fontes ne’ebé sai hanesan vitima, nomos ida seluk ne’ebé sai hanesan suspeitu ka sasin, nune’e nutísia ne’e bele ballansu no informasaun ne’ebé sai ne’e iha duni serteza nomos akuradu,”dehan Arnaldo.

 

Ekipa Estajiada: Crisencia Ferreira/Libania P. da C. Matos/Juvita dos S. Ximenes.

Asiten Editór: EgidioNono