Lafaek News–Espoza Prezidente Republika, Cidalia Lopes Nobre Mouzinho Guterres, husu juventude hotu atu sai ajente ba mudansa iha sosiedade no nasaun Timor Leste, no sai mos sentru atensaun ba politika governu nian.
Espoza xefe estadu hatoo asuntu ne’e hafoin partisipa iha konferensia imprensa Konsellu Juventude Timor Leste (CNJTL), iha salaun Bebora, tersa (20/07/2021), katak ema hotu hatene joven mak nu’udar forsa ba prosesu dezenvolvimentu, tan ne’e joven tenke sai duni sentru atensaun ba politika governu nian.
“Joven sira tenke sai nudar ajente ba mudansa iha ita nian sosiedade no nasaun. Ita hotu hatene katak Juventude maka sai forsa moris ba processu dezenvolvimentu tomak, nunee Juventude tenki sai duni senntru ba atensaun Politika Governu nian” dehan Espoza Cidália Lopes Nobre Mouzinho Guterres.
Nia hateten, iha tempu Ukun Rasik An, CNJTL nu’udar organizasaun ho papel importante atu reforsa envolvimentu no promove partisipasaun foinsa’e sira nian, iha prosesu hotu hotu, kongratula no louva vontade no esforsu husi PrezidentE CNJTL ho nian estrutura tomak ,hodi bele realiza konferensia ne’e, nune bele aprezenta matéria importante atu hametin no haforsa ezistensia no moris organizasaun CNJTL nian ohin no ba futuru.
Tuir Cidalia, Liu husi organizasaun CNJTLho visaun ida katak, presiza halo dezenvolvimentu ida ne’ebe sustentavel, hodi hadia povo nia moris.
Iha sorin seluk Presidente CNJTL Maria Dadi Magno hatutan, CNJTL hanesan organizaun resistensia nia programa no finanseiru integra iha konsellu Estadu, ema hotu hatene setor Juventude hanesan proskalisto la’os deit Sekretariu Estado mak nia papel hotu, maibe liga ba edukasaun, saúde, empregu liga ba 5 pilares ne’ebe mak tau iha politíka nasaun juventude importante.
‘’Ohin ita realiza ita nia konferensia ne’e objetivu atu ofisiliza no aprova estatutu rejimentu organizasaun Consellu Nasional Juventude, konferensia ne’e ba primeiru konferensia nasional ba mandatu Tinan lima,” lider foinsa’e Timor Leste ne’e fundamenta.
Jornalista : Rita Moniz
Editor : Agapito de Deus
