Lafaek News—Instituisaun haat kompostu husi Ministériu Obras Publikas, Ministériu Finansas, Instituisaun Laboratóriu Nasional HNGV no Ministeriu Edukasaun Juventude no Desportu, manan nain kampionatu basketball feto kopa taxa Primeira Dama 2020.
“Primeira taxa femenino ne’ebé maka organiza iha ita nia rai Timor-Leste iha tinan ida ne’e hakarak hato’o agradese ba Espoza Prezidente Repúblika no mós xefe casa sívil ne’ebé autoriza hodi bele uza naran taxa primeira dama ba iha kampionatu femenino ida ne’e” hateten Prezidente Federasaun Nasionál Baskettball Timor Leste (FNB-TL), Joaquim Gusmão iha nia diskursu iha palasiu prezidensial Bairru-pite, segunda (05/07/2021).
Hodi dehan, ida ne’e sai hanesan marka ida, simbolu ida ne’ebé di’ak hodi bele hatutan nafatin taxa ida primeira dama ne’e ba oin ba tinan ba tinan nafatin tan.
“Lolos premiu sira ne’e ita entrega kedas bainhira taxa ne’e hotu konklui ita entrega kedas, ho situasaun pandamia ita-nia rain hasoru ita tenke adia uituan no ohin loron ita bele konklui hodi bele entrega taxa no premiu sira ne’ebé disponibiliza ba kampionatu ne’e,” afirma Prezidente FNB-TL ne’e.
Iha Sorin seluk, Espoza Presidente Repúblika Cidália Lopes Nobre Mouzinho Guterres, hatoo “Onradu tebes hodi rekonese talentu kada instituisaun estadu ne’ebé hatudu husi partisipa no sai vensedor ba kopa taxa primeira Dama 2020 iha loron 11 de Dezembru too iha fulan ikus dezembru 2020”
“iha kampana ne’e ita uza Desportu nu’udar meius atu hametin amizade, Solidaridade no espiritu desportividade iha komunidade no Esperansa atu atleta baskettball sira iha fisiku di’ak, no halo Desportu hanesan rekreasaun ida hodi kontribui ba promove ba Familia Saudavel hapara violensia haforsa no habrani feto sira hodi halo sira nia moris ba oin”
Espoza Prezidente Repúblika ne’e kongratula ba atleta sira ne’ebe vensedor iha kopa taxa primeira Dama, no garantia inisiativa ne’e sei kontinua ba oin, la’os deit nivel nasionál no akumula grupu atletas husi munisipiu sira.
Iha sorin seluk, Petronela Rita da C. Lopes, husi instituisaun Laboratorium HNGV, Petronela Rita da C.Lopes, orgullu tebes bele sai manan nain ba torneiu ne’ebé primeira vez realiza iha nasaun TL hodi okupa venesedor dahuluk.
“Ami ekipa Laboratorium Nasional hakarak esforsu liu tan karik iha tinan ida ne’e sei realiza, ami bele sai manan nain iha Eventu ida ne’e.
Serimonia entrega taxa ne’e partisipa husi Xefe Casa Sívil Prezidente Repúblika Francisco Maria de Vasconcelos no Prezidente FNB-TL atual Sekretáriu Estadu Protesaun Sívil, Joaquim Gusmão, no hetan seguransa másimu husi PNTL.
Jornalista : Rita Moniz
Editor : Agapito de Deus
