Lafaek News—Lider supremu Partidu Kmanek Haburas Unidade Nasional Timor-Oan, José dos Santos Naimori Bucar, hateten promove unidade nasional iha Timor Leste ema nain rua de’it mak Naimori ho Ramos Horta.
Naimori hatoo asuntu ne’e iha kongressu Partidu KHUNTO, Domingu (20/04/2024), iha nia diskursu hafoin Armanda Berta dos Santos re-eleitu ba prezidente KHUNTO no Elidio Araújo simu pasta nudar Sekretariu Jerál partidu KHUNTO.
Naimori fundamenta iha Timor nia ho Prezidente Repúblika José Ramos Horta de’it mak ko’alia unidade nasionál, tanba José Ramos Horta nudar Premiadu Nobel da Paz no Naimori nudar jerasaun foun ne’ebé ko’alia makas kona-ba unidade nasional.
“Ema ida ne’ebé mak ko’alia unidade nasionál iha Timor ha’u ho ita nia aman nasaun José Ramos Horta, tamba ita José Ramos Horta Nobel da paz no jerasaun foun mak hau rasik tmba ha’u hatudu realidade, hotu-hotu só halo ema hamnasa iha oras ida laran, mas halo ema tanis iha oras 10 nia laran, ne’ebé mak akontese, polítika ne’e ita sai matan ibun ba povu para ita hare sira saida mak ita oferese ba sira husi ita nia kapasidade no matenek ne’ebé ita iha para tau hamutuk iha polítika ida para lori povu ses husi fatin ne’ebé risku,” Naimori Bucar afirma.
Iha Sorin seluk Líder masimu Partidu KHUNTO, José dos Santos Naimori Bucar, husu prezidente KHUNTO ho nia sekretariu jeral ho mensajen bainhira fiar malu KHUNTO sei halo buat di’ak ba povu no nasaun ida ne’e iha future.
“Polítika KHUNTO nian ne’ebé ha’u lidera ohin loron liu husi ha’u nia mehi katak ha’u obriga tenke halo se la halo rai ne’e joven sira sei fila kotuk ba malu rai ida ne’e ema sei la koñese malu se mak se mak ha’u, tanba ne’e mak ikus ita hamosu unidade nasionál Timor,
Jornalista : Mateus F. de Deus
Editor : Agapito de Deus
