Lafaek News-Prezidente Asosiasaun Feto ba Dezenvolvementu Covalima (AFEHDC), Fatima Amaral ho ninia komitiva hasoru malu ho administrador maucatar hodi Informa Konaba Programa nebe Sira halo ona Iha Postu maucatar, Suku Matai Munisipiu Covalima.
Prezidente Fatima hateten, iha surumutu ne, hanesan Prezidente Asosiasaun Informa konaba, Programa haat nebe feto suku Matai sira halo hela, hanesan Programa movimentu feto progresivu, Kooperativa feto Rai no impresta osan Solidaridade Covalima (SOLCOV), Programa feto prosesu aihan lokal ba hahan modernu, nune mos Programa feto konserva Arte no kultura.
“Ami Mai Informa Programa Sira ne ba administrador, no Ami hetan reasaun positivu tebes, administrator Apoiu Ami, no prontu supporta ami,” Nia hateten iha Maucatar, Segunda (13/07).
Nia esplika, konaba kooperativa Rai no impresta osan ne, strutura SOLCOV Sira hetan hotu ona posse hosi Secoop foin lalais, Iha dia 23/06 nebe Fasilita hosi NGO internasional World vision.
Antes hakotu, Fatima hateten, iha Enkontru ne, husu mos ba administrador atu servisu hamutuk, enkoraja Feto Sira hodi iha Korazen kontribui ba dezenvolvementu Iha suku Matai.
Iha Fatin hanesan Administrador Postu Maucatar munisipiu covalima, Laurentino de Jesus, Apresia tebes ho inisiativa Feto suku Matai, bele Kria ona programa oin-oin no implementa ona Iha suku laran.
“Agradese wain tanba bele hasoru malu ho feto potensial sira, nebe halo mudansa ba assuntu Feto nian, hanesan Administrador husu ba imi atu kontinua servisu sira ne,” nia hateten.
Nia hateten, Saida maka feto suku Matai sira halo ne, parte ida hosi dezenvolvementu suku Matai no Postu maucatar.
Nia intersante Liu ho programa konservasaun Arte no kultura nune Mo’s Movimentu feto progresivu.
“Inisiativa konserva Arte no kultura ne bele Mai hosi Mane no feto, Mai’s Diak liu ne tenke Mai hosi feto kompara ho situasaun Ida agora, Saida maka ita Timor Iha NE moris Nafatin no labele lakon,” Nia dehan.
Nune Mo’s, Nia dehan, Liu hosi Movimentu feto progresivu ninia programa sosializa lei violensia domestika, no aktividade seluk tan ne, bele hamenus konflitu no feto sira bele Iha kunesementu klean liu.
Jornalista: Venidora Oliveira
