LafaekNews–Prezidente Repúblika José Ramos Horta enkoraza Komisaun Funsaun Públika (KFP) atu servisu ho di’ak nafatin ho imparsiál no neutralidade no hadook an husi tentasaun monu matein iha parte diresaun funsaun publika hodi servisu hamutuk ho entidade hotu.
Kestaun ne’e hato’o husi Presidente Komisaun funsaun públika ( KFP) Faustino Cardoso ho komisárius nain 5, hafoin halo audensia ho Prezidente Repúblika José Ramos Horta iha Palásiu Presidensiál hodi toka asuntu servisu Funsaun públika nian, kestaun rekrutamentu nian, promosaun kargus xefia, formasaun, reforma no situasaun seluk ne’ebé durante ne’e PR anota hela hodi hetan esplikasaun husi parte komisaun funsaun públika.
PR Enkoraja Komisaun Funsaun Públika atu servisu ho di’ak nafatin ho imparsiál no neutralidade, hadok an husi tentasaun monu iha partedirasaun funsaun publika, husu atu servisu hamutuk ho entidade tomak, inklui mos husi ekipa tekniku sira husi Presidensiál republika haree hamutuk kestaun funsionalismu publiku, “, dehan Prezidente Komisaun Funsaun públika ( KFP), Faustino Cardoso iha Palásiu Prezidensiál bairo-pite tersa ( 05/07/2022).
Prezidente KFP Faustino afirma, hahú husi inísiu too agora númeru funsaun públika sae ba bebeik hamutuk 35 mil resin mak servisu hanesan funsionaŕius.
Ita nia Funsaun públika ne’e nia boot too ohin loron haree ba numeru hamutuk 35 mill eital, kompostu husi funsionáriu permanentes hamutuk rihun rua nulu resin, ajentes administrasaun publika, se aumenta ho kazuais sira seluk ne’e besik rihun hat nulu resin konta ho PNTL F-FDTL rihun lima nulu resin, entaun ita nia funsaun públika ne’e boot ba beibeik,’’ esplika Prezidente KFP.
Entretantu, iha enkontru ne’e PR mos deklara presiza reforma ida atu oinsá bele hamenus dependénsia ba nasaun bainhra funsionalizmu públiku ne’e boot ba bei-beik sei tau risku sustentabilidade finanseira husi estadu, enkoraza presiza envolvimentu setór privadu makas liután hodi bele sai nu’udar fatin ida nune’e ema buka servisu la nesesariamente tenki ba iha funsaun públika.
Jornalista : Rita Moniz
Editór : Agapito de Deus
